“Die bestuurder Parke en Reiniging het onderneem om dit te ondersoek.”
Dit was die antwoord wat Laura-Leigh Randall, woordvoerder van die Kouga-munisipaliteit, gister gegee het na aanleiding van ‘n klagte van ‘n anonieme blogleser oor die lang tyd wat dit skoonmakers neem om twee openbare toilette elke dag in Kabeljous skoon te maak.
Dit klagte was aan die einde van Augustus 2010 aan haar gestuur.
Anoniem het die volgende in "Sê u Sê" op hierdie blog geskryf:
Hier in Kabeljous is twee openbare toiletgeboue wat baie verouderd en in 'n werklike vieslike stadium van verval is.
Albei toilette se vloeroppervlakte is ongeveer 12 vierkante meter elk. Die twee toilette word 7 dae per week deur 'n munisipale "werker" (een "werker" elk per toilet) skoongemaak. Die skoonmaaktakie kan maksimum 30 minute se produktiwiteit verg.
Die "werkers" word daagliks om ongeveer 08:30 daar afgelaai en smiddae om 15:30 weer opgelaai. Die toilette word om 15:30 gesluit.
In opvolging het me Randall gister laat weet die saak geniet nou aandag.
• Ons sal haar oor twee weke weer hieroor kontak.
Why has the decision taken so long
ReplyDelete